Utliza Komandu(Shotcut) Keyboard hodi hafasil ita nia servisu iha Word

DG25-Blog - Wainhira ita hakerek ou prepara dokumentu ruma, atu dokumentu refere remata ho lalais, ita mos presiza hatene funsaun husi shotrcut ne'ebe mak eziste iha Keyboard, ho nune'e ita labele muda beibeik mouse hodi klik ba mai, tamba funsaun shortcut iha keyboar hanesan mos ho icon sira ne'e mak ita klik refere. Tamba ne'e mak iha tutorial ida ne'e admin sei partila Shortcut importante ne'ebe bele hafasil ita nia servisu wainhira produz domentu ruma, Shortcut Keyboard sira iha Word mak hanesan tuir mai ne'e :

Saida mak Shortcut Keyboard ?

Shortcut Keyboard mak hanesan konbinasaun entre butaun-butaun keyboard sira hotu ne'ebe eziste iha keyboard, hodi bele fo instrusaun atu utliza tools-tools ne'ebe mak eziste iha sistema operasaun hanesan (Windows, Linux no MacOS), no mos ba aplikasaun sira. Ho nune'e dokumentu ne'ebe mak ita produz bele hotu ho lalais kompara ho wainhira ita uza mouse. No iha mundu teknologia ida ne'e eziste mos Shortcut Universal katak Shortcut ne'ebe mak bele utiliza ba kualkel software ou sistema, hanesan : Kopia Dokumentu, Selesiona Dokumentu no seluk tan.

Hanesan iha artikulu ida ne'e admin sei partila informasaun balun kona-ba shortcut sira ne'ebe mak eziste iha Microsoft Office Word, Shortcut sira ne'e mak hanesan tuir mai ne'e :

1. Ctrl + A = Signifika katak  Selesiona Palavra hotu (Control All) ne'ebe mak eziste iha ita nia Dokumentu
2. Ctrl + C = Signifika katak ita kopia (Copy) palavra, foto, tabela no sira seluk tan
3. Ctrl + V = Signifika katak wainhira ita kopia ona palavra, foto, tabela ita paste fali ba Dokumentu Word seluk ou bele parte fali ba pajina seluk
4. Ctrl + S = Signifika katak ita atu rai(Save) dokumentu refere
5. Ctrl + B = Signifika katak ita halo letra metan no mahar (Bold)
6. Ctrl + E = Muda palavra ou textu ba iha pajina nia klaran (Center)
7. Ctrl + R = Muda Textu nia ninin rata ba iha surat tahan(Paperl Branco) parte liman los (Right)
8. Ctrl + L = Muda textu nia ninin rata ba iha surat tahan(Papel Branco) parte liman karuk (Left)
9. Ctrl + J = Muda textu nia ninin rata iha parte liman karuk no parte liman los (Justify)
10. Ctrl + I = Signifika katak halo textu ou palavra mirin(Italic)
11. Ctrl + U = Signifika katak halo lina iha textu ou palavra nia okos (Underline)
12. Ctrl + Shift + > = Signifika katak halo aumenta medida textu sai boot (Increase Font Size)
13. Ctrl + Shift + < = Signifika katak halo redusaun medida textu sai kik (Decrease Font Size)
14. Ctrl + =  =  Signifika katak halo letra kik iha palavra nia okos(Subscript)
15. Ctrl +  +  = Signifika katak halo letra elevadu(Superscript)
16. Ctrl + O = Signifika katak ita loke dokumentu (Open File)
17. Ctrl + N = Signifika katak ita kria dokumentu foun (New File)
18. Ctrl + Shift + F = Signifika katak atu loke janela hodi hili tipu letra no medida husi letra (Font)
19. Ctrl + P = Signifika katak loke janela Konfigurasaun kona-ba atu print dokumentu refere (Print)
20. Ctrl + Z  = Signifika katak ita halo normal fila fali operasaun sira ne'ebe mak ita halo ona, Ex. Ita hamos tiha palavra ruma, atu halo mosu fila fali palavra sira ne'e mak ita presiza uza shortcut ida ne'e (Undo)
21. Ctrl + F = Signifika katak ita loke navigation hodi buka palavra ruma (Find)

Diak ida ne'e mak Shortcut Keyboar ne'ebe mak bainbain utiliza iha Microsoft Office Word. Karik iha Sujestaun no Duvidas ruma bele hato'o liu husi Koluna komentariu no suporta nafatin admin, liu husi ita boot sira nia partila(Share) iha ita boot sira nia konta media sosial sira. Obrigadu