Saida mak Sistema Operasaun(OS)...?

Ola belun sira, ha'u fiar katak belun sira uza ona sistema operasaun(OS) hodi halo traballu, halo servisu ruma, no belun sira utiliza sistema operasaun maka hanesan tuir mai ne'e Linux, Windows no Mac OS, sei iha tan Sistema Operasaun sira seluk ne'ebe maka belun sira utiliza. Belun sira hatene ona ka laee Saida maka Sistema Operasaun(OS)...? se kolega sira seidauk hatene keta haluha atu le'e artikulu ida ne'e to remata, tamba ha'u sei esplika klean kona-ba saida mak Sistema Operasaun(OS)...?

Definisaun

Sistema Operasaun ka ho lian Inglesh Operatin System(OS) maka hanesan software ida ne'ebe maka atu kontrola komponente fisiku sira iha komputador, no asistensia ba aplikasaun sira atu nu'une ita bele instala no utiliza aplikasaun sira. Sistema Operasaun maka sai hanesan software ida ne'ebe maka importante tebes ba iha komputador, se wainhira laha sistema operasaun utilizador labele halo servisu ka traballu ruma.

Funsaun

Sistema Operasaun maka sai hanesan fontes ida hodi hatutan ka halo komunikasaun entre ema no komputador, tamba komputador utiliza lingua Makina nian, no sistema operasaun iha funsaun importante hodi transforma kualker letra ba iha Lingua Makina Binario depois maka foin mosu rezultadu, funsaun importante ida mos maka bele garantia aplikasaun sira hotu ne'ebe maka ita instala ba ita nia komputador atu halao servisu ho diak.

Sistema Operasaun sira ne'ebe maka iha maka hanesan tuir mai ne'e :

1. Linux
2. Windows
3. Mac OS
4. Solaris
5. Chrome OS
6. Android
7. Amiga OS
8. FreeBSD
9. SunCobalt
10. RedHat

Diak ida ne'e maka esplikasaun badak kona-ba Saida mak Sistema Operasaun(OS)....? ba kolega sira ne'ebe maka iha pergunta karik kta haluha komentariu...👍💓
Obrigadu👏