Tutorial Converter Dokumentu PDF ba Word ho fasil

DG25-Blog - Tutorial Converter Dokumentu PDF ba Word, hanesan ita hotu hatene katak formatu dokumentu PDF ne'e famozu tebes no maioria dokumentu hotu ne'ebe mak ita asesu sempre utiliza formatu Portable Document Format (PDF), atu nune'e dokumentu refere labele muda an, no wainhira ita foti ema dokumentu ou ita nia dokumentu rasik atu modifika ita presiza aplikasaun sira ne'ebe mak bele suporta hodi bele loke dokumentu ho formatu PDF refere. software ne'ebe bele utiliza atu asesu ba dokumentu pdf hodi bele modifika mak hanesan : Acrobat Reader ho versaun sosa (Berbayar), Utiliza sorftware Konversaun Online. No iha Tutorial ida ne'e admin sei partila tutorial Converter dokumentu PDF ba Word ho fasil tebes no la presiza tan aplikasaun suporta sira.

Tutorial Converter Dokumentu PDF ba Word, ita uza maneira ne'ebe mak fasil tebes no la presiza tan software sira ne'ebe haktemik iha leten, ita utiliza Sotware Microsoft Office Word hodi halo konversaun husi dokumentu formatu PDF ba iha Word. Ante tama ba tutorial refere mai ita hare kriteriu balun ne'ebe mak bele ajuda ita iha konversaun dokumentu refere, katak versaun husi Software Microsoft Office Word tenki hahu husi Versaun 2016 mai leten, no lasuporta Microsoft Office 2013 ba kraik. 

Tutorial Converter Dokumentu PDF ba Word ho fasil iha rua, mak hanesan tuir mai ne'e :

- Tutorial Converter Dokumentu PDF ba Word primeiru :

1. ita loke Software Microsoft Office Word
2. ita klik iha menu File
3. Klik iha Open
4. Tuir mai ita klik iha Browse, hodi hili dokumentu ne'ebe mak ita atu konverter ba Word, depois de hili dokumentu refere ita Klik iha Open
5. No mosu janela notifikasaun ita klik iha OK, no ita hein prosesu to dokumentu refere konverter remata
6. ita klik iha Enable Editing ho nune'e dokumentu refere ita bele modifika ona.

- Tutorial Converter Dokumentu PDF ba Word segundu :

1. Ita klik Liman karuk iha Dokumentu PDF ne'ebe mak ita atu konverter
2. Ita hili Open With
3. Se wainhira la mosu icon software word, entaun ita klik iha Choose another app
4. tuir mai ita klik iha More apps
5. ita klik iha Icon software Microsoft Word
6. no wainhira mosu notifikasaun klik iha OK
7. tuir mai ita klik iha Enable Editing ho nune'e dokumentu refere ita bele modifika ona.

Diak ida ne'e mak tutorial badak husi admin kona-ba Tutorial Converter Dokumentu PDF ba Word ho Fasil, karik belun sira iha sujestaun ou duvidas bele hato'o liu husi koluna komentariu, no keta haluha atu partila (Share) ba ita nia konta media sosial sira. Obrigadu