Aprende Microsoft office Excel, Introdusaun Menu - Parte I

Ola belun sira iha artikulu ida ne'e admin sei oferese ba belun sira kona-ba koinesimentu jeral kona-ba Microsoft Office Excel, ne'ebe maka bainbain ita utiliza ba iha servisu lorloron nian, no iha artikulu ida ne'e sei fahe ba parte lubuk ida ne'e tamba ne'e husi belun sira atu vizita nafatin web-blog ida ne'e hodi aprende klean liu tan kona-ba Microsoft office Excel.

Introdusaun

Microsoft Office Excel hanesan sub-software ida ne'e maka konsiste hamutuk iha Software Microsoft Office ne'ebe maka kria husi Komapania Microsoft, no oferese mai ita hodi servisu iha Speadsheet hodi bele fasilita ita nia servisu iha prosesamentu ba iha dadus, produz dadus, halao analiza ba dadus, kria dadus no seluk tan, liuliu ba iha area Estatistica, Area Engenaria, area saude, no seluk tan. No iha funsaun importante tebes iha era globalizasaun ida ne'e. 

Pajina ne'ebe maka ita utiliza hodi halao servisu wainhira utiliza software Microsoft office Excel bolu hanaran Sheet, no iha sheet ida eziste koluna (columns ) hamutuk (256), iha koluna marka no letra (A,B,C..... no remata iha IV), no iha Linha (Rows) hamutuk (65536), no marka ho numeru ( 1,2,3.................... remata iha 65536).

The Ribbon / Menu

Ribbon maka oferese informasaun, komandu ou manual ne'ebe maka ita utiliza hodi prosesa dadus, iha Microsoft Office Excel.

• Home Tab

Iha Home Tab eziste tools tools ne'ebe maka relevante ho textu, hanesan Style husi Letra, Medida husi Letra, Format cell, input no hamos tabela, kria dadus tuir alfabetu, no buka dadus ne'ebe maka ita presiza.

• Insert Tab

Hanesan tab ne'ebe maka iha funsaun hodi bele ita enkaica figura, grafiku, Shape, Clipart, text box, no seluk tan.

• Page layout

Page layout iha funsaun atu ita bele modifika pajina tuir ita nia necessidade, hanesan margins, no tema.

• Formulas Tab

Iha Formulas tab ita utiliza wainhira ita halo kontagem ba iha dadus, no iha Tab ida ne'e eziste formula barak ne'ebe maka ita presiza hodi utiliza ba iha iha pajina speadsheet.

• Data Tab

Data tab iha funsaun atu halao ligasaun ho software seluk hodi bele input dadus ho kuantidade ne'ebe maka barak.

• Review Tab

Iha Review Tab iha funsaun atu ita bele koriji fila fali textu ne'ebe maka ita input, no ita bele konfirgura(seting) seguransa husi ita nia dokumentu.

• View Tab

Iha tab ida ne'e iha funsaun atu modifika pajina speadsheet, ne'ebe maka ita kria, hanesan setting page layout, Spit, no subar data.

Ida ne'e mak introdusaun badak kona-ba Menu iha Ms.Office Excel, keta haluha fahe tutan ba ita nia kolega sira, Obrigadu