Maneira Rejistu Email ho Fasil tebes

Olla Belun...!!! 

iha Era ohin loron ezistensia teknologia no rede internet ne'ebe mak lais tebes, fasilita tebes ita, hodi bele halao komunikasaun no manda dokumentu husi fatin ida ba fatin seluk ho lalais no fasil. Tamba ne'e mak ita artikulu ida ne'e admin hakarak fahe informasaun uitoan kona-ba Maneira Rejistu Email, mak hanesan tuir mai ne'e :

Saida mak Email ?

Email habadak husi liafuan Electronic Mail, ho lian tetun karta eletroniku, hanesan fasilidade ida ne'ebe oferese mai ita atu haruka karta eletroniku husi fatin ida ba fatin seluk ho lalais, no Email mos sai hanesan buat ne'ebe importante tebes ba ita iha mundu modernu ida ne'e, tamba ita atu tuir aula online mos presiza email, ita atu asesu ba situs balun mos utiliza email, ita mos bele asesu ba iha produtu sira husi google nian hanesan : Google Play Store, Google Meet, Google Drive nos sira seluk tan. Tamba liu husi email hafasil ita atu halo komunikasaun iha kualker website, aplikasaun no seluk tan. 

Maneira Rejistu email mak hanesan tuir mai ne'e :

1. Ita hakerek ou Klik iha Link ida ne'e www.gmail.com, hodi loke pajina gmail nian.

2. Tamba ita atu rejistu email entaun ita presiza klik iha Buat Akun 

3. Ita priense formulariu rejistrasaun Email nian, maka hanesan ita priense ita nia naran, email no password ( Prefere priense password ho karaktek ka letra minimak 8, no hakerek letra, numenru no simbolu, hodi haforsa ita nia seguransa), hafoin ita klika iha Berikutnya.

4. Tuir mai priense ita nia numeru telefone ne'ebe maka moris atu nu'une gmail bele haruka mensajen kodigu konfirmasaun nian, no ita priense ita nia data moris no ita ninia Sexu, depois ita klika iha Berikutnya.

5. Tuir mai mosu Verifikasaun No.Telefone, se numeru telefone ne'ebe mak ita priense los entaun iha klik iha Kirim.

6. Tuir mai ita hatama ka priense kodigu konfirmasaun ne'ebe mak google haruka mai iha ita nia numeru telefone ne'ebe maka ohin ita priense ba, depois de priense ita klika iha Verifikasi.

7. Tuir mai ita klika iha Ya, saya ikut.

8. Tuir mai ita tama ba iha Privasi dan Persyaratan, no ita klika iha butaun Sirkulu ou Scroll hodi lee informasaun sira kona-ba Konfigurasaun Privacy no Kriteriu sira ne'ebe eziste iha gmail.

9. Tuir mai ita klika iha Saya setuju, signifika katak ita aseita ho Konfigurasaun Privacy no Kriteriu sira.

10. To iha ne'e signifika katak rejistrasaun email hotu ho susessu, no ita bele utiliza ona email refere hodi halo komunikasaun no asesu ba iha produtu sira husi google nian no mos website sira seluk.

Ida ne'e mak tutorial badak husi admin, espera ke bele ajuda belun sira, no keta haluha atu partila buat ne'ebe ita hatene ba ema seluk.

Obrigadu

Karik iha duvida ka hahusuk ruma bele komentariu iha koluna komentariu