Tutorial Loke Hotspot husi Laptop iha Windows 10

 Ola Belun sira, espera ita boot sira sintuniza nafatin iha Web-Blog ida ne'e hodi bele asesu nafatin informasaun ne'ebe bele ajuda ita iha situasaun oioin.

Belun sira ita loke hotspot liu husi Telefone ne'e familiar tebes, ita boot sira hatene ona ka lae oinsa maka bele loke hotspot liu husi komputador ? karik ida ne'e maka kestaun ne'ebe ita buka no presiza atu hatene, entaun nafatin iha blog ida ne'e.

Belun sira iha Artikulu ida ne'e admin sei oferese tutorial kona-ba oinsa mak ita bele kria hotspot liu husi Laptop, no ema seluk bele asesu no konekta mai iha ita nia Laptop, user ne'ebe maka konekta bele uza telefone no mos bele uza laptop ka komputador ne'ebe maka bele asesu ba iha Wifi. Nafatin Scroll tun hodi aprende.

Wainhira ita hakarak share internet husi laptop ba device sira seluk, ita presiza konekta laptop ba iha Wifi ka Wired ba ita nia laptop.

Klik butaun buka/Search no ketik Mobile Hotspot,  hafoin klik, atu ita konfigura naran no password husi ita nia Hotspot ne'ebe maka ita atu kria/loke.

Wainhira mosu Windows setting Mobile Hotspot nian, iha ne'eba mosu Network Name maka naran husi Hotspot ita nian, Network Password maka palavra xave husi ita nia hotspot, ita hakarak konfigura entaun klik iha butaun Edit.

Mosu windows Edit Network Info ida bele priense naran no password ka palavra xave tuir ita hakarak, no iha Palavra Xave Minimal letra ka Numeru hamutuk ualu(8), depois de Edit ka modifika remata klik iha Save.

Tuir iha windows setting mobile hotspot, Ita fo vistu ba iha Share My Internet Connection with Other Device, siknifika katak ita fahe internet ba ema seluk, no hotspot husi ita nia Laptop loke ona, no ema seluk bele asesu.

Belun sira ida ne'e maka tutorial badak husi admin kona-ba Maneira loke hotspot husi laptop iha Windows 10, karik kolega sira iha sujestaun ka iha kestaun ruma bele hato'o liu husi koluna komentariu iha okos. Obrigadu