Maneira halo Numeru Pajina diferente iha Word

Software Microsoft Office Word sai hanesan software ne'ebe maka famozu, ne'ebe maka lor-loron utiliza iha aktividade servisu, aktividade Eskola, no seluk tan. Ho razaun ida ne'e maka admin hakarak partilla informasaun kona-ba Oinsa maka halo numeru pajina diferente iha Microsoft Office Word, hanesan bain-bain estudante sira hasoru wainhira halo traballu ruma, ne'ebe eziste Pajina Kapa, Pajina Argadesimentu, Pajina Indise , no pajina Kontent ne'ebe komesa husi kapitulu I ate II, III, IV no seluk tan, ne'ebe maka iha numeru pajina ne'ebe diferente. maneira atu halo maka hanesan tuir mai ne'e :

 

Microsoft Office Word

Maka hanesan software Sub husi Microsoft Office, ne'ebe maka adekuadu tebes no fasil atu utiliza no sai hanesan aplikasaun servisu ne'ebe maka famozu tebes iha mundu tomak tamba software ida ne'e ajuda tebes ita iha ita nia servisu lor-loron.

Prosesu aku halo pajina diferente maka hanesan tuir mai ne'e :

• ita prepara uluk file Microsoft Office Word ne'ebe maka ita atu pratika, tuir mai ne'e hanesan ezemplu hodi ita pratika :
• Pajina 1 Kapa/Cover
• Pajina 2 Agradesimentu
• Pajina 3 Indise
• Pajina 4 Kap I
• Pajina 5 Kap II
• Pajina 6 Kap III
• Pajina 7 Kap IV

• Ita muda kursor ba iha Pajina Kapa
• Klik iha menu Insert no klik iha Page Number, Klik iha Bottom of Page, no depende ita atu eskolla pozisaun husi Pajina.

• Depois de ita lao tuir prosesu iha leten, tuir mai sei mosu Menu Header & Footer, siknifika katak pajina kria ona, no tuir mai fo vistu ba iha Diferent First Page, atu nu'une pajina kapa labele eziste Page Number.
  

•  Muda Kursor ba iha pajina Indise no klik iha Menu Layout, klik iha Page Breaks no klik iha Next Page, ho nia funsaun atu hafahe Page Number husi Pajina Indise no pajina Kontent.

•  Tuir mai ita muda kursor ba iha Pajina Kontent iha Kap I, no klika iha Numerasaun Romanu ne'ebe hanesan Page Number no otomatikamente sei mosu Menu Header & Footer no klik iha Page Number no tuir mai klika iha Format Page Numbers, ho nia funsaun atu troka Numeru husi Pajina, husi Numerasaun Romanu ba Numeru.

• No tuir mai sei Janela Page Number Format no ita klik iha Number Format hodi muda numerasaun Romanu ba Numeru, no Klik iha Butaun OK, Numeru pajina otomatika troka.
  

Belun sira ida ne'e maka Maneira halo Numeru Pajina diferente iha Word, fasik ka Difisil, krik ita boot sira sente Fasil ka Difisil bele hato'o Komentariu.

 No krik belun sira la komprende ka hakarak hato'o sujestaun ruma bele hato'o iha koluna komentariu iha okos.

Obrigadu 

Mai ita hariku lian Tetun iha Mundu Internet