Tutorial Install Windows 10

Windows 10 hanesan sistema operasaun ne'ebe maka agora daudaun famozu tebes iha mundu tomak no sistema operasaun ida ne'e oferese dektop/Tampilan ne'ebe maka simples no fasil atu ita utiliza, no dala barak ita utiliza sistema operasaun ida ne'e maibe dalaruma ita lahatene oinsa maka bele instala sistema operasaun ne'e ba ita nia komputador. Tamba ne'e maka iha artigu ida ne'e admin hakarak halao esplikasaun uitoan kona-ba prosesu instalasaun Windows 10 ba Komputador.

Introdusaun 

Windows 10 hanesan sistema operasaun ne'ebe maka hanesan mos sistema operasaun sira seluk ne'ebe maka iha nia objetivu atu bele ajuda user sira hodi halao sira nia servisu hanesan, utiliza ba eskola, Kantor nst. Windows 10 eziste tamba Komapaña Microsoft halao evolusaun ka mudansa husi Sistema Operasaun Windows 8, ho nia objetivu atu hadia ka Update parte balun ne'ebe kompaña halo analiza katak ladun favoravel, ba user sira. Iha mundu ohin loron sistema operasaun ida ne'e famozu tebes. tamba ne'e ante atu tama ba iha prosesu instalasaun ita presiza hatene uluk sistem requirement husi Sistema operasaun ida ne'e:

System Requirement

• Processor : 1 GHz
• Ram         : 1GB for 32-bit and 2 GB for 64-bit
• Hardisk    : 16GB for 32-bit and 20GB for 64-bit
• Grafic      : DirectX 9

ida ne'e mak system Requirement ne'ebe maka ita nia komputador ka leptop presiza atu priense, tamba ita labele instala Sistema Operasaun ida ne'e ba komputador ne'ebe maka la priense System requirement iha leten, labele instala tamba bele prejudika ita nia Komputador ka Leptop no la funsiona ho normal.

Antes ita tama ba iha prosesu instalasaun ita prepara flashDisk ne'ebe maka eziste ona sistema Operasaun Windows 10, ka bainbain bolu ho naran Flash Boot, karik ita boot sira seidauk iha bele klik iha artigu ida ne'e, iha opsaun rua bele Booting flashDisk utiliza CMD, no bele utiliza mos Software Rufus. 

Tutorial Instalasaun

ita liga Flashdisk ba komputador ka leptop, tuir mai ita konfigura BIOS, prosesu konfigura BIOS belun sira bele klik iha ne'e, BIOS.

Wainhira mosu janela Windows Setup, atu fohatene mai ia katak hodi konfigura Lingua, Oras, no lingua Keyboard nian maibe iha Timor-Leste dala barak ita utiliza lingua Inglesh tamba Tetun laiha, no tuir iha Next.

Tuir mosu janela Windows Setup, katak atu hahu prosesu instalasaun nian, no wainhira ita klik iha Install Now, Signifika katak prosesu instalasaun ita hahu ka komesa.

Tuir mosu janela Windows Setup, hanesan iha kraik ne'e haruka ita atu eskolla tipu Windows 10 ne'ebe maka ita hakarak atu utiliza, tamba ne'e iha artigu ida ne'e admin eskolla Windows 10 Home, no tuir mai ita klik iha Next.

Tuir mosu janela Windows Setup, hanesan iha kraik ne'e hatudu Lisense husi Windows nian, karik ita aseita ita fo vistu ba iha I Accept the License Terms, no tuir mai ita klik iha Next.

Tuir mosu janela Windows Setup, hanesan iha kraik ne'e ita eskolla ihaCustom: Install Windows only (advanced), signifika katak ita atu halao instalasaun ba ita nia komputador, no iha Upgrade signifika katak ita atu update windows ne'ebe maka eziste ona ho windows 10. no Direitamente ita klik iha Custom.

Tuir mosu janela Windows Setup, hanesan iha kraik ne'e haruka ita atu eskolla data ne'ebe maka ita utiliza hodi instala sistema operasaun ba, tamba iha ne'e admin iha data ida deit admin kontinua klik iha Next, no belun sira iha artigu ida ne'e ita sei la aprende kona-ba partisaun.

Tuir mosu janela Windows Setup, hanesan iha kraik ne'e hatudu katak prosesu instalasaun nian lao hela, no husu ita atu hein to prosesu remata ka 100%, wainhira prosesu iha janela kraik ne'e remata ita sei hein nafatin prosesu balun ne'ebe maka sei lao hela.

Tuir mosu janela tuir ita hatudu ka haruka ita atu eskolla ita lokalizasaun/lokasi, ita bele hili Timor-Leste, tamba eziste ona. depois ita klik iha Yes.

Tuir mosu janela hanesan iha kraik nafatin husu ita atu konfigura lingua keyboard, tamba lingua inglesh maka lingua internasional ne'ebe utiliza ba iha keyboard, admin la konfigura, depois de konfigura klik iha Yes.

Tuir mosu janela hanesan iha kraik nafatin husu atu priense naran ba user ne'ebe maka atu utiliza Komputador ka Leptop ida ne'e, depois de priense kontinua klik iha Next.

Tuir mosu janela hanesan iha kraik nafatin husu ita atu priense password hodi bele proteje user ita nia komputador. depois de priense klik iha Next.

Tuir mosu janela hanesan iha kraik ne'e maka prosedur ka privice ne'ebe maka windows 10 estabelese, depois ita konfigura tuir ita nia necessidade, no tuir klik iha Accept. No ita hein tan iha minutu balun ita bele utiliza ona Windows 10.

ida ne'e maka janela Desktop husi windows 10, no wainhira to ona desktop signifika katak prosesu instalasaun remata, no komputador ka leptop ita bele utiliza ona hodi halao servisu.

Belun sira ida ne'e maka tutorial badak kona-ba oinsa maka bele instala windows 10 iha komputador ka leptop, fasil ka difisil, hakerek ita boot sira nia opiniaun kona-ba prosesu instalasaun ida ne'e iha koluna komentariu, krik ita boot sente tutorial ida ne'e bele ajuda ita boot entaun fahe ba ita nia kolega atu nu'une ita bele hatene kona-ba oinsa maka ita bele instala Windows 10 hanesan mos ita boot hatene. krik ita sente iha buat ruma presiza aumenta ka iha sujestaun ruma bele hato liu husi komentariu iha okos.

Obrigadu

Mai ita hariku lian Tetun iha mundu Internet