Tutorial Booting Flashdisk, Utiliza ba instalasaun

Tutorial Booting Flashdisk, Utiliza ba instalasaun - DG25-BLog

Iha era modernu ne'ebe maka agora daudaun ita hasoru mudansa barak liuliu iha area teknologia nian, hanesan ita hotu hatene katak wainhira ita instala Sistema Operasaun ba komputador dala barak la utiliza CD/DVD-Rom, tamba iha alternativu seluk ne'ebe mais fasil hodi bele fasilita, hanesan ita utiliza flashdisk hodi halao instalasaun Sistema Operasaun.

CD/DVD-Rom hanesan memoria ida ne'ebe maka ita bele integra sistema operasaun, file no seluk tan. Maibe CD/DVD-Rom laseguru tamba, wainhira (Tergores), monu no ita labele utiliza ba iha tempu naruk.

Flash Disk maka memoria ida ne'ebe maka bele rai informasaun, Sistema Operasaun no seluk tan, hanesan memoria ne'ebe flexible no iha durabilidade ne'ebe diak tebes. Tuir mai prosesu booting Flashdisk:

Booting flashDisk

Wainhira ita atu instala komputador ita presiza File Setup husi Sistema Operasaun, esplikasaun sistema operasaun esplika iha artikulu dahuluk, klika iha ne'e, tamba ita presiza File setup husi sistema Operasaun ne'ebe ita atu instala ita presiza booting Flashdisk, Booting FlashDisk katak ita integra File Setup Sistema Operasaun ba iha FlashDisk, bainbain ho lingua Indonezia dehan Bakar FlashDisk. Atu Booting FlashDisk ita utiliza aplikasaun rufus, prepara File ISO husi Sistema Operasaun no FlashDisk ho kapasidade Minimu 4GB :

Rufus

iha aplikasaun oioin ne'ebe maka ita bele utiliza hodi Booting FLashDisk, maibe iha admin utiliza Rufus, tamba aplikasaun refere famozu teb-tebes iha mundu teknologia no informasaun, aplikasaun ida ne'e hanesan aplikasaun portable ne'ebe kaman no fasil atu utiliza, aplikasaun Rufus ita bele utiliza hodi Live no Booting FlashDisk, iha artikulu ida ne'e admin sei oferese kona-ba oinsa booting FlashDisk, aplikasaun rufus bele download direita iha Website Offisial Rufus.

Etapa-Etapa booting FlashDisk maka hanesan tuir mai ne'e :

ita Liga uluk flashdisk ba Komputador ka Leptop, maka hanesan iha imajen kraik ne'e hau utiliza flashdisk ho kapasidade 16GB.

Loke aplikasaun Rufus, no iha parte primeiru husi aplikasaun rufus nian nia detekta otomatika FlashDisk ne'ebe maka ita konekta ba Komputador

ita klik iha butaun SELECT hodi hili File ISO, ita boot sira seidauk iha File ISO bele download iha website Offisial husi Microsoft, ha'u Prepara file ISO Windows 10 64Bit, no tuir mai klik iha Open

Klik iha butsaun START hodi komesa Booting FlashDisk, no wainhira mosu nofikasaun hanesan iha Imajen kraik ne'e Klik iha OK, no ita hein Prosesu Booting retama

wainhira prosesu booting prosesa hela labele losu FlashDisk ka halao servisu iha FlashDisk nia laran

Wainhira prosesu ramata siknifika katak FlashDisk ita bele utiliza hodi instala ona komputador ka leptop, no bainbain Flashdisk ne'ebe maka booting bolu ho naran Flash Boot.

Requirement ba iha FlashDisk

Windows 11 : FlashDisk 8GB-16GB

Windows 10 : FlashDisk 4 GB no 8GB

Windows 8 : FlashDisk 4 GB

Windows 7 : FlashDisk 4 GB

Linux Mint : FlashDisk 4GB

Ida ne'e prosesu Booting FlashDisk, Utiliza ba instalasaun Sistema Operasaun, maka hanesan iha esplikasaun iha leten, krik kolega sira iha perguntas ka sujestaun ruma bele hato'o iha Koluna komentariu. Obrigadu❤️