Saida maka SSD ?

 Ola belun sira, iha loron ohin admin sei oferese ba ita sira kona-ba SSD, tamba iha mundu modernu agora famozu tebes, iha kolega barak ke husu kona-ba SSD ne'e saida, no nia funsaun atu halo saida, tamba ne'e maka iha artikulu ida ne'e ha'u sei esplika kona-ba saida maka SSD, nia Funsaun, Vantajen no Desvantajen.

Saida maka SSD ?

Iha tempu modernu ohin loron komputador, Leptop no Server ne'ebe ke modernu utiliza ona SSD. SSD hanesan memoria sekunder ida ne'ebe maka ita bele utiliza hodi rai informasaun hanesan ( Video, Muzika, Foto, File, aplikasaun no seluk tan no halao prosesamentu ba dadus ho lalais no seguru. SSD berbasis ka baze husi flash disk, SSD habadak husi liafuan ( Solid State Drive ).

Funsaun SSD 

SSD iha tempu ohin loron sai hanesan parte importante ne'ebe maka bele suporta no fasilita user sira hodi bele halao sira nia servisu. servisu ne'ebe user sira presiza tebes hodi utiliza SSD maka hanesan ( Arsitek, Video Editing, Gamer, server, no seluk tan ne'ebe presiza prosesamentu ho lalais ).  Bazeira ba esplikasaun iha leten ita hatene ona katak SSD nia funsaun atu bele halao prosesamentu ba informasaun, dadus, software no seluk tan, ho lalais tebes no seguru.

Vantajen SSD

Vantajen husi SSD maka hanesan tuir mai ne'e :

• SSD utiliza bateria naton;
• Booting sistema operasaun ho lalais;
• Prosesamentu laiha lian ka noise;
• Prosesamentu lalais;
• Kaman;
• Durabilidade (Tahan lama);
  
• ladun manas.

Desvantajen SSD 

Desvantajen SSD maka hanesan, folin ne'ebe maka karun maibe iha kapasidade atu rai informasaun ne'ebe maka ki'ik.

Tipu-tipu SSD

SSD iha tipu oioin belun sira, tipu-tipu ssd maka hanesan :

• NVMe
• SATA
• PCIe
• M.2 Card

 

Belun le'e nain sira ida ne'e maka esplikasaun badak kona-ba SSD, espera katak iha artikulu ida ne'e bele ajuda belun sira hodi komprende kona-ba SSD. krik belun sira la komprede ou iha sujestaun ruma ou mahusuk balun bele, bele hakerek iha koluna komentariu Obrigadu.