Situs situs aprende Koding (Ngodin) ho fasil, lais no gratuita

 Olla... Belun sira 

Espera ita iha kondisaun ne'ebe maka diak, hodi nafatin aprende no buka hatene kona-ba dezenvolvimentu area IT nian iha ita nia nasaun no mos rai liur, hodi ita bele adapta mai iha ita nia nasaun atu bele dezenvolvolve ita nia an no ita nia nasaun, tamba ne'e maka iha artigu ida ne'e admin hakarak fahe uitoan kona-ba oinsa maka ita bele Aprende Programasaun sein gastu osan hodi halao rejistrasaun, ou eskola, maibe ita bele aprende mesak no koko hodi bele dezenvolve ita nia rasik. Iha situs situs balun ne'ebe oferese gratuita mai ita hodi bele aprende programasaun hanesan : HTML, PHP, Java, Python nst., no ita mos bele hetan sertifikadu wainhira ita remata ona ita nia kursu ne'ebe maka ita eskollha.

 Situs Situ Aprende Koding(Ngodin) ho fasil, lais no gratuita

Situs Situs ne'ebe maka ita bele utiliza hodi aprende no hasae rasik ita nia koinhesimentu iha area programasaun nia ho gratuita no ita bele hetan sertifikadu, maka hanesan tuir mai ne'e :

1.Code Academy

Code Academy maka situs ne'ebe ita bele utiliza hodi estuda linguagem  oioin, hanesan : HTML, CSS, Phyton, JavaScript, Java, SQL, Bash, Shell, Ruby, C++, R, PHP, Go, Swift no sei iha barak tan.

Iha website ida ne'e ita bele aprende no ita mos bele tuir kuis ka halao ezersisiu balun hodi bele sukat ita nia komprensaun ba linguagem ne'ebe maka ita eskolla hodi aprede, iha website ida ne'e oferese gratuitamente, no ita mos sei hetan sertifikadu.

Link ba Website refere  https://www.codecademy.com/

2. W3Schools

W3schools hanesan website ne'ebe maka familiar tebes iha programador expert sira nia matan, tamba kuaze programador expert balun mos foti website ida ne'e hanesan pontu de referensia hodi aprende no sukat sira nia kapasidadade kona-ba programasaun. 

iha Website ida ne'e oferese linguagem barak tebes, hanesan HTML, CSS, Bootstrap, Python, PHP, JavaScript nst.

Iha website ida ne'e ita bele hare ka run kedas resultadu ne'ebe maka ita koko iha website ida ne'e, ho lais tebes. No iha website ida ne'e wainhira ita atu hetan sertifikadu ita tenke selu hodi bele download sertifikadu, maibe kona-ba kursu ita aprende ho gratuitamente.

W3Schools oferese gratuitamentu mai ita no kompleta ho tutorial hodi aprende, no iha W3Schools ita bele download no utiliza offline.

Link W3Schools https://www.w3schools.com/

3. Sololearn

Sololearn maka website ne'ebe maka fasil tebes mai ita hodi bele aprende koding ho fasil no bele tuir kedas kuis. iha Website Sololearn oferese mos linguagem hanesan mos situs rua ne'ebe maka admin mensiona iha leten. 

Iha Sololearn wainhira ita tuir kuis no hetan prestasaun diak bele hetan sertifikadu ba kursu tuir level ne'ebe maka eskolla.

Link Sololearn https://www.sololearn.com/

Admin atu konklui deit katak sei iha website seluk ne'ebe maka ita bele utiliza hodi aprende programasaun Koding, tamba bazeia ba admin nia esperensia durante ne'e. No admin hato agradese ba belun sira ne'ebe maka oferese ona imi nia tempu hodi bele vizita ona webblog ida ne'e, husi ita boot sira share ba kolega sira ne'ebe maka seidauk hatene, atu nune sira mos hatene saida maka ita boot sira hetan iha webblog ida ne'e.

Tamba ne'e lalika hein tan no lalikan soe ita nia tempu ba buat ne'ebe maka laiha valor ba ita nia futuru.

Obrigadu.