Maneira instal Inkscape iha Linux Mint, Ubuntu, Xubuntu

hyyy...belun ba belun sira ne'ebe maka familiar ona ho sistema operasaun Linux baibain utiliza aplikasaun Inkscape hodi dezenu grafiku, tamba ne'e maka iha loron ohin ha'u sei fahe ba belun sira kona-ba manaiera instal aplikasaun inkscape iha Linux.

Introdusaun
Inkscape maka hanesan aplikasaun ida ne'ebe maka utiliza hodi dezenu grafiku ne'ebe maka open source ne'ebe iha lisensa husi GNU GPL, ne'ebe maka gratuita. Inkscape mos hanesan aplikasaun cross-plataform katak aplikasaun inkscape bele instala iha Mac Os, Windows no mos Linux. Objetivu husi aplikasaun inkscape maka atu utilizador sira bele halo dezenu ne'ebe maka iha kualidade no tuir ninia standar hanesan XML, SVG no CSS.

Maneira instala inkscape iha Linux 

1. Iha bele instala aplikasaun Inkscape iha Linux liu husi software manager
2. Ita halao instalasaun liu husi Terminal via PPA 

Bazeia ba maneira rua iha leten ita sei halao instalasaun Aplikasaun Inkscape liu husi Terminal via PPA, tamba ita halao instalasaun ba aplikasaun liu husi terminal entaun belun sira konekta tiha ita boot sira nia leptop ka pc ba iha internet hafoin maka ita halo instalasaun, prosesu instalasaun maka hanesan tuir mai ne'e :

Ita Loke uluk Terminal ho maneira  hanehan butaun CTRL+Alt+T, hafoin maka ita hakerek komandu via PPA maka hanesan tuir mai ne'e :

                    $sudo add-apt-repository ppa:inkscape.dev/stable      

Depois de hakerek komandu hanehan butaun Enter.
Tuir mai ita hakerek tan komandu update nian maka hanesan tuir mai ne'e

                    $sudo apt-get update                                                         

Depois hakerek komandu hanehan butaun Enter.
Tuir mai ita hakerek komandau instalasaun nian maka hanesan tuir mai ne'e


                    $sudo apt-get install inkscape                                           

Depois hakerek komandu hanehan butaun Enter, no sei mosu hahusuk ida no ita hakerek Y no hanehan butaun Enter, no prosesu instalasaun komesa hein to prosesu remata.

Se prosesu hirak ne'e lao ho diak, signifika katak ita instala aplikasaun Inkscape ho susessu

Boa Sorte!!

Referensia
https://id.wikipedia.org/wiki/Inkscape
http://ubuntuhandbook.org/index.php/2019/01/inkscape-0-92-4-released-install-ubuntu-18-04/